Deputetja e Lidhjes Demokratike të Kosovës, Valentina Bunjaku –Rexhepi ka thënë se askush nuk guxon të ndërhyjë në punën e pavarur të Këshillit Shtetëror të Cilësë së Agjencssë së Kosovës për Akreditim.
Ajo ka thënë se ministri i Arsimit, Shyqiri Bytyqi nuk duhet të heshtë dhe duhet t’i bëj publike presionet që i bëhen. Bunjaku –Rexhepi i ka bërë thirrjes prokurorisë që të hetojnë presionet që bëhen nga kushdo qoftë në adresë të KSHC-së.
Ky është postimi i plotë i deputetes së LDK-së:
Një kolegj privat paska reaguar ndaj mosakreditimit të programeve të këtij institucioni, duke e fajësuar për ndërhyrje, Ministrin e Ministrisë së Arsimit, Shkencës dhe Teknologjisë, z. Shyqiri Bytyqin. Ky i fundit paska mohuar çdo ndërhyrje dhe ka thënë se në vazhdimësi ky institucion ka bërë presione.
Ne mbështesim Këshillin Shtetëror për Cilësi dhe i bëjmë thirrje organeve kompetente, në asnjë mënyrë të ndërhyhet si më parë në KSHC, sepse me këtë ndërhyrje politike, jemi larguar nga Regjistri Evropian për Sigurimin e Cilësisë në Arsimin e Lartë (EQAR). Po ashtu, Ministri Bytyqi ka bërë shkelje që nuk e ka raportuar presionin në vazhdimësi nga ky kolegj, pasi në reagimin e Bytyqit, thuhet se në vazhdimësi ka hasur në presione. Ministri nuk lejohet dhe nuk guxon të heshtë, por sa herë dhe kurdoherë që ka presione për ndërhyrje, të raporton tek organet përgjegjëse.
Po ashtu, ne si deputete, bëjmë thirrje që nëse ka ndërhyrë qoftë ministri, qoftë kolegji në KSHC, prokuroria të heton çdo presion dhe ndaj kujtdo, të merr masa në përputhje me ligjet në fuqi.
Kosova nuk guxon në asnjë mënyrë të lejon ndërhyrjen në punën e pavarur të KSHC, sepse ndërhyrja e mëhershme shkaktoi pasoja të mëdha, duke u përjashtuar nga EQAR.
KSHC vetëm si organ i pavarur mund të rregullon cilësinë, në të kundërtën do të thellohet kriza në cilësinë e arsimit të lartë.
Vdes një i burgosur në Spitalin e Gjilanit, SHKK jep detaje
Gërvalla udhëton në Kanada, merr pjesë në takimin e ministre...
Përmbytjet në Itali, evakuohen 1500 persona
Balluku në takimin e ministrave të Transportit në Budapest: ...
Bellingham dhe Vinicius Jr marrin rritje të konsiderueshme p...
Betohen 20 kadetët e rinj të Qendrës për Studime Universitar...